PANANGHALIAN
payak lang ang pananghalian
ginisang sardinas na naman
pagkain ng nagmamakata
matapos magmuni't tumula
kahit papaano'y nabusog
sa ulam na may konting sahog
na kamatis, bawang, sibuyas
upang katawan ko'y lumakas
tara, kain tayo, katoto
ulam ko man ay di adobo
mabuti't may pagkaing sapat
na dapat ipagpasalamat
ginisang sardinas mang ulam
ngunit sadyang nakatatakam
- gregoriovbituinjr.
02.05.2025
Walang komento:
Mag-post ng isang Komento