TUBO NA'Y TINANGGAL
nang si misis ay muling dalawin
wala na ang tubong nakalagay
kung saan siya pinakakain
labi'y naigagalaw nang tunay
kaliwang kamay niya'y pinisil ko
nag-acupressure, nagbakasakali
pati kaliwang paa'y pinisil ko
upang dugo'y dumaloy yaring mithi
anang doktor mula infectious disease
may dalawang bakterya ang nakita
na kanilang sinusuring mabilis
upang sa tiyan di na kumalat pa
tanging bulong na lang ng pagmamahal
ang aking iniwan sa minamahal
- gregoriovbituinjr.
04.11.2025
Walang komento:
Mag-post ng isang Komento