PANALO NGA BA?
nakasulat: "Lahat ng pack, panalo!"
sa baba: "Smoking causes foot gangrene"
kaya ang tanong: tunay bang panalo?
ang ad ay kabalintunaan man din
sa kabila, "ang paninigarilyo
ay sanhi ng pagkaagnas ng paa"
ngunit sabi'y "Lahat ng pack, panalo'"
sa agnas na paa'y panalo nga ba?"
kabalintunaan ang patalastas
di ka talaga panalo sa ganyan
ngunit dahil negosyante'y malakas
balintuna man, pinagtutubuan
binibilog na ang ulo ng madlâ
subalit ito'y tila balewalâ
- gregoriovbituinjr.
11.27.2025
Walang komento:
Mag-post ng isang Komento