MOUSES
sa nilalaro ko sa selpon na Word Connect
may isang sagot na tsamba't di ko maisip
pagkat sumulpot doon ang salitang MOUSES
gayong tamang plural ng MOUSE ay MICE, di MOUSES
parang plural ng HOUSE ay di HICE, kundi HOUSES
anong uring Ingles ang MOUSES makikita
o wala na ba talagang maisip sila
kayraming salitang pang-Word Connect talaga
ngunit ang isang ito'y nakapagtataka
di batid kung salitang ito'y ginamit na
ngunit patuloy pa rin akong naglalarô
ng Word Connect pag nagpapahinga o hapô
mabuti sa kalusugan ko't di siphayò
dahil nakagaganda sa isip ko't pusò
- gregoriovbituinjr.
02.23.2026
Walang komento:
Mag-post ng isang Komento