BALAKIN NG MAKATANG TARING
isang nobela ng pag-ibig
at araw-araw na pagtulâ
mga adhikang nakasandig
sa kalooban, puso't diwà
napakapayak na pangarap
na ninanais kong maabot
kahit gaano pa kahirap
danasin ma'y kayraming gusot
kwento ng masa'y susulatin
hanggang maging nobela ito
tulâ sa dukha'y kakathain
na araw-gabi'y gawain ko
patuloy akong magpapawis
kaharapin ma'y kahirapan
sa kabilâ ng dusa't amis
ito'y mapagtatagumpayan
- gregoriovbituinjr.
03.09.2026
* mga litrato mula sa larong Word Connect sa selpon
Walang komento:
Mag-post ng isang Komento