KALENDARYONG PANGMESA
kaygandang bigay ng isang kasama
ako na'y may kalendaryong pangmesa
sa presscon binigay ng tagamidya
sa kanya ang kalendaryong lilima
ang isang kalendaryo'y hiningi ko
pagkat wala pa akong kopya nito
sa misyon ko'y importanteng totoo
lalo't sa pagsasagawa ng plano
walang kalendaryo sa bahay ngayon;
ang Mercury Drug nga'y may taon-taong
kalendaryo na pang-costumer niyon
di ako nakakuha ngayong taon
sa kalendaryong pangmesa, salamat
tulong na ito'y mahalagang sukat
- gregoriovbituinjr.
03.15.2026
Walang komento:
Mag-post ng isang Komento